ԱՄՆ-ի և Ռուսաստանի դեսպանները կանչվել են Թուրքիայի արտգործնախարարություն

Քաղաքական10:51, 14 Հոկտեմբեր 2015

ԱՄՆ-ի և Ռուսաստանի դեսպանները կանչվել են Թուրքիայի արտգործնախարարություն

Անկարայում ԱՄՆ-ի և Ռուսաստանի արտակարգ և լիազոր դեսպանները հրավիրվել են Թուրքիայի արտգործնախարարություն: «Akşam» թերթը հայտնում է, որ Թուրքիայի արտգործնախարար Ֆերիդուն Սինիրլիօղլուն հանդիպել է ԱՄՆ դեսպան Ջոն Բասի հետ, իսկ ռուս դեսպան Անդրեյ Կորլովի հետ հանդիպել են թուրք դիվանագետները: Դեսպանների հետ հանդիպման ժամանակ նրանց ներկայացվել է պաշտոնական դիրքորոշումը Թուրքիայի օդային սահմանների խախտման և Սիրիայում գործող քրդական «Ժողովրդավարական միություն կուսակցությանը» (քրդերեն՝ Partiya Yekitiya Demokrat-PYD) զենք մատակարարելու խնդրի վերաբերյալ:

Հիշեցնենք, որ Թուրքիայի վարչապետ Ահմեթ Դավութօղլուն նույնպես անդրադարձել էր ԱՄՆ-ի կողմից PYD-ին զենք մատակարարելու հարցին: Դավութօղլուն, նշելով, որ PYD-ի և «Քուրդիստանի բանվորական կուսակցության» (ՔԲԿ-PKK) միջև տարբերություն չկա, քննադատել էր դաշնակից երկրներին ԻՊ-ի դեմ պայքարելու նպատակով PYD-ին զենք մատակարարելու համար, այն ժամանակ, երբ PKK-ն հարձակումներ է անում Թուրքիայի վրա:

Թուրքիայի վարչապետը նաև ընդգծել է, որ եթե PYD-ն Թուրքիայի դեմ որևէ գործողություն իրականացնի, ապա նրանց հետ կվարվեն այնպես, ինչպես «Իսլամական պետության» և PKK-ի հետ, այսինքն՝ կհարվածեն:

Աղբյուր` Ermenihaber.am

Այս ենթաբաժնի վերջին նորությունները

17:00, 12 օգոս

Ըստ թուրք քաղաքական գործչի՝ հայ-ադրբեջանական համաձայնագիրը հակասում է Թուրքիայի շահերին

Թուրքիայի պահպանողական, իսլամիստական ուղղվածության «Նոր բարօրություն կուսակցության» ղեկավարը հանդես է եկել հայտարարությամբ:

13:15, 12 օգոս

Փայլանը կոչ է արել Էրդողանին բացել Թուրքիայի ու Հայաստանի սահմանը

Պոլսահայ գործիչը անհրաժեշտ է համարել անհապաղ քայլեր ձեռնարկել այդ ուղղությամբ։

10:49, 12 օգոս

Էրդողան. «Ահաբեկչությունից անդարձ ազատվելու համար հնարավորության պատուհան է բացվել»

Թուրքիայի նախագահը կառավարության նիստից հետո հանդես է եկել հայտարարություններով:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Թյուրքական պետությունների կազմակերպությունը ողջունել է ՀՀ-ի և Ադրբեջանի միջև նախաստորագրված համաձայնագիրը

Կազմակերպությունը համոզմունք է հայտնել, որ այս պատմական զարգացումը տարածաշրջանին կբերի երկարատև խաղաղություն։

Ըստ թուրք քաղաքական գործչի՝ հայ-ադրբեջանական համաձայնագիրը հակասում է Թուրքիայի շահերին

Իմամօղլուն ողջունել է հայ-ադրբեջանական խաղաղության համաձայնագրի նախաստորագրումը

ԱՄՆ նախագահ Դոնալդ Թրամփի հովանու ներքո օգոստոսի 12-ի երկու երկրների միջև նախաստորագրվել էր խաղաղության և դիվանագիտական հարաբերությունների հաստատման մասին համաձայնագիրը: