Թուրքիայի հակահայկական քարոզչությունը՝ դպրոցական դասագրքերում

Գիտակրթական08:10, 25 Սեպտեմբեր 2015

Թուրքիայի հակահայկական քարոզչությունը՝ դպրոցական դասագրքերում

Թուրքիայի կրթության նախարարության կրթական ծրագրի համաձայն՝ միջնակարգ դպրոցի 8-րդ դասարանում դասավանդվում է «Հեղափոխության պատմություն և քեմալիզմ» առարկան: Համանուն դասագիրքը լույս է տեսել 2014 թվականին և նախարարության որոշմամբ 5-ամյա ժամկետով ներառված է լինելու հանրակրթական ծրագրում:

Թուրքական «Radikal» թերթի կայիք տեղեկացմամբ՝ այդ դասընթացի շրջանակներում հայերը ներկայացվում են որպես «թշնամական ուժերի հետ համագործակցակցության մեջ մտած ազգային փոքրամասնություն»:

Թուրքական դասագրքում նշվում է, թե իբր հայերն արտաքսվել են միայն կովկասյան ճակատի մերձակա բնակավայրերից, քանի որ այդ ճակատում համագործակցել են հակառակորդ ռուսների հետ ու թիկունքից հարվածել թուրքական բանակին:

«Չնայած Թալեաթ փաշայի անձնական գրառումներից («Evrak ı metruke») պարզ է դառնում, որ հայերն իրականում տեղահանվել են ավելի ընդարձակ տարածքներից, բայց ողջ դասագրքում գերիշխում է այն թեզը, թե նրանք տեղահանվել են միայն Կովկասյան ճակատին հարակից բնակավայրերից», - նկատել է տալիս «Radikal»-ը:

Դասագրքում Հայոց ցեղասպանությունը կոծկելու և արդարացնելու փորձ է արվում. ցեղասպանությունը բնութագրվում է որպես տեղականություն՝ ռազմական իրադրությունից առաջացած անվտանգության նկատառումներով անհրաժեշտություն: Իսկ ապրիլի 24-ին հայ մտավորականների ձերբակալությունը Ստամբուլում՝ հայ հեղափոխական առաջնորդների ձերբակալություն:

Ընդհանուր առմամբ, դասագրքում հայերի մասին պատմվում է որպես դավաճան, թշնամու կողմն անցած ու առաջին համաշխարհային պատերազմի իրադրությունը պատեհ առիթ դարձրած և նախահարձակ եղած ազգային փոքրամասնություն

Աղբյուր` Ermenihaber.am

Այս ենթաբաժնի վերջին նորությունները

11:29, 15 սեպ

Թուրքիայի հայկական դպրոցներում աշակերտների թիվը նվազում է

Թուրքիայի հայկական դպրոցներն ու վարժարանները գործում են բացառապես Ստամբուլ քաղաքում։

11:10, 05 սեպ

Թուրքիան ու Վրաստանը կնքել են համագործակցության հուշագիր

Հուշագրի հիմնական նպատակն է իրականացնել համատեղ ծրագրեր՝ երիտասարդության ոլորտում գործընկերության ամրապնդման ուղղությամբ։

12:45, 30 մայ

Բերքլիի համալսարանում ադրբեջանցիների ճնշմամբ կրկին չեղարկվել է Արցախի մասին ֆիլմի ցուցադրությունը

Նշենք, որ ֆիլմի ռեժիսորը Սարին Հայրապետյանն է և ֆիլմը պատմում է 11 տարեկան տղայի մասին, ով տեղահանվել էր Արցախից Հայաստանի և Ադրբեջանի միջև 44-օրյա պատերազմի ժամանակ։