Ինջիրլիքի ռազմաբազայից առաջին հարվածն է հասցվել ԻՊ-ին

Տարածաշրջան08:07, 06 Օգոստոս 2015

Ինջիրլիքի ռազմաբազայից առաջին հարվածն է հասցվել ԻՊ-ին

Երեկ Թուրքիայի տարածքում գտնվող Ինջիրլիքի ռազմաբազայից առաջին անգամ ռումբերով բեռնված ամերիկյան «Predator» տեսակի անօդաչու թռչող սարքը (ԱԹՍ) անցել է Սիրիայի սահմանն ու ռմբակոծություն իրականացրել:

Այս մասին հայտնում է թուրքական «Doğan» լրատվական գործակալությունը` նշելով, որ «Predator»-ները առաջին թռիչքը կատարել էին դեռևս կիրակի օրը, սակայն հետ էին վերադարձել առանց ռմբակոծության:

Հաղորդվում է նաև, որ «Իսլամական պետություն» (ԻՊ) ահաբեկչական կազմակերպության դեմ Ինջիրլիքի ռազմաբազայի օգտագործման վերաբերյալ Թուրքիայի և ԱՄՆ-ի միջև կայացած համաձայնության շրջանակներում սպասվում է Գերմանիայում տեղակայված ԱՄՆ օդուժին պատկանող ռազմական ինքնաթիռների ժամանումը Ինջիրլիքի ռազմաբազա:

ԱՄՆ-ի պաշտպանության նախարարության բարձրաստիճան պաշտոնյաները հաստատել են Սիրիայի սահմանում ամերիկյան ԱԹՍ-ի իրականացրած ռմբակոծությունների մասին լուրը: Սակայն վերջինները չեն կոնկրետացրել, թե գործողությունը որ կազմակերպության դեմ է իրականացվել` «ԻՊ»-ի, թե «Ալ Նուսրա»-ի:

ԱՄՆ-ի պաշտպանության նախարարության պատասխանատուները հավելել են նաև, որ այս պահին ամերիկյան կործանիչները Թուրքիայի սահմանից դուրս թռիչքներ չեն իրականացնում:

Աղբյուր` Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: