Իրավական13:36, 08 Հուլիս 2015
Մուրադ Նազարյանը թուրքական բանտում սեռական բռնության է ենթարկվել
Ստամբուլի Սամաթիա թաղամասի 85-ամյա հայ բնակչույի Մարիցա Քյուչուքի դաժան սպանության գործով մեղադրյալ հանդես եկող Մուրադ Նազարյանը, ով Թուրքիայի քաղաքացի է, հայտարարել է, որ բանտում բռնությունների է ենթարկվում:
Թուրքական «hurhaber.com» լրատվակայքի փոխանցմամբ՝ Ստամբուլի քրեական դատարանում տեղի ունեցած դատական նիստի ժամանակ ներկա են գտնվել մեղադրյալ Նազարյանն ու կողմերի փաստաբանները: Փաստաբան Էրեն Քեսինը տեղեկացրել է, որ մեղադրյալը Նազարյանը պատմել է, թե ինչպես են քաղաքացիական հագուստով ոստիկանները դատարանի դահլիճում իր ձերբակալությունից հետո իր վրա ճնշում գործադրել՝ պահանջելով խոստովանել հանցանքը: Իսկ մեղադրյալի փաստաբան Ջաֆեր Գյուլը նշել է, որ հանցագործության իրական մեղավորներն ազատության մեջ են:
Փաստաբանն ընդգծել է, որ Մարիցա Քյուչուքի տուն մտնելիս Նազարյանը մենակ չի եղել, հանցագործության վայրում հայտնաբերվել են ևս 4 մարդկանց արյան հետքեր, որոնք ներս են մտել տեսախցիկներով չվերահսկվող դռնից, այդ պատճառով չեն երևում գործով առկա տեսագրության մեջ:
Իսկ մեղադրյալը, որի նկատմամբ պահանջվել է ցմահ բանտարկություն՝ խստացված ռեժիմով, պատմել է, որ բանտում, որտեղ գտնվում է ավելի քան 2 տարի, բանտակիցների կողմից սպառնալիքների և բռնության է ենթարկվում:
«Բազմիցս ենթարկվել եմ սեռական բնույթի բռնության ու բռնաբարության: Դրանում ազդեցություն ունի նաև իմ հայ լինելու հանգամանքը: Այս մասին դիմումով տեղեկացրել եմ բանտի կառավարությանը, սակայն դիմումին ընթացք չի տրվել»,- բողոքել է Մուրադ Նազարյանը:
Դատարանը որոշում կայացրեց Ստամբուլի հանրապետական դատախազության կողմից մեղադրյալի՝ բռնության ենթարկվելու մասին հայտարարությունները ուսումնասիրելու համար հետաքննություն սկսելու մասին , սակայն մերժեց մեղադրյալի փաստաբանի միջնորդությունը՝ Նազարյանին մեկուսացնելու վերաբերյալ: Նիստը հետաձգվել է՝ ժամանակ տալով փաստաբանին՝ հիմնավորելու պահանջը:
Այս ենթաբաժնի վերջին նորությունները
Անկարայի գլխավոր դատախազությունը հայտնել է, որ Grok-ի կողմից բազմաթիվ օգտատերերի ուղարկվել են վիրավորական գրություններ։
Նախօրեին Ֆրանսիայի արտաքին գործերի նախարարությունը հայտարարություն էր արել Թուրքիայում ընթացող դատական պրոցեսների վերաբերյալ։
Ընդհանուր առմամբ, 2002-ից մինչև 2024-ը Թուրքիայի նկատմամբ կայացվել է 3.363 իրավախախտման որոշում։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |