Հասարակական08:03, 25 Հունիս 2015
Թուրք ծայրահեղականը սպառնացել է «հայերի որսի դուրս գալ» Կարսի փողոցներում
Գորշ գայլերի «Ülkü ocaklar» (Իդեալիստական օջախներ) անվամբ ծայրահեղական աջակողմյան երիտասարդական կառույցի Կարսի մասնաճյուղի ղեկավար Թոլգա Ադըգյուզելը, խիստ վրդովվել է այն հանգամանքից, որ ջազ-դաշնակահար Տիգրան Համասյանը համերգ է կազմակերպել հայոց հինավուրց մայրաքաղաք Անիի ավերակներում:
Միջանկյալ նշենք, որ վերոհիշյալ կառույցը գործում է Թուրքիայի ընդդիմադիր «Ազգայնական շարժում» կուսակցության (ԱՇԿ-MHP) հովանավորությամբ և համարվում դրա երիտասարդական թևը:
Թուրքական «Radikal» պարբերականի համաձայն՝ Ադըգյուզելը մամուլի ասուլիս է հրավիրել, որի ժամանակ արտահայտել է իր վրդովմունքը: Բացի այդ սպառնալիքներ է հնչեցրել Թուրքիայում իրենց այդքան ազատ զգացող հայերի հասցեին:
Վերջինս մեղադրել է հայերին և 1915 թվականի և Խոջալուի դեպքերի կապակցությամբ և սպառնագին հարց հնչեցրել. «Հիմա ի՞նչ, մենք էլ Կարսի փողոցներում հայի որսի դուրս գա՞նք»:
Ադըգյուզելը մեղադրել է նաև բոլոր այն թուրք լրագրողներին ու պաշտոնյաներին, որոնք իր համոզմամբ աջակցում են Թուրքիայում գործունեություն ծավալող հայերին: Նա հայերին կոչ է արել ճանաչել իրենց չափն ու սահմանը և չփորձել չափել թուրքերի համբերությունը: Թուրք պաշտոնյան նաև նշել է, որ օրինակ, թուրքերը չեն կարող գալ Հայաստան ու ազատորեն միջոցառում կազմակերպել հայերի համար սուրբ որևէ վայրում: Նա սպառնացել է, որ նման դեպքերի կրկնության դեպքում իրենք այլ անհարժեշտ միջոցներ կձեռնարկեն:
Հիշեցնենք, որ «Լոյս ի լուսոյ» խորագրով համերգի շրջանակներում Տիգրան Համասյանը հայ ազգային երաժշտության նմուշներ է ներկայացնում Թուրքիայի, Հայաստանի, Վրաստանի, Լիբանանի, Ֆրանսիայի, Բելգիայի, Շվեդիայի, Չեխիայի, Բրիտանիայի, Գերմանիայի, Լյուքսեմբուրգի, ԱՄՆ-ի ու Ռուսաստանի 100 եկեղեցիներում։
Ջազ-դաշնակահար Տիգրան Համասյանի և Երևանի պետական կամերային երգչախմբի կողմից իրականացվող «Լոյս ի լուսոյ» համերգաշարի մեկնարկը Թուրքիայում տրվել է հունիսի 21-ին` պատմական Անիի ավերակներում: Անիում տեղի ունեցած համերգին հաջորդելու են ևս մի քանիսը` հունիսի 23–ին` Վանի Աղթամար կղզում, հունիսի 25–ին` Դիարբեքիրի Սուրբ Կիրակոս հայկական եկեղեցում, հունիսի 27–ին` Կայսերիի (հայկական Կեսարիա) Սուրբ Գրիգոր Լուսավորիչ եկեղեցում, հունիսի 29–ին` Թուրքիայի միակ հայկական Վաքըֆլը գյուղի հայկական եկեղեցում: Նախագծի ավարտը Թուրքիայում հունիսի 30–ին է Ստամբուլում` ջազային փառատոնի շրջանակներում:
Այս ենթաբաժնի վերջին նորությունները
ՄԱԿ-ը հրապարակել է 2024-ի աշխարհի ամենաշատ բնակչություն ունեցող երկրների ցանկը։
«Թուրքիայի զբաղվածության գործակալությունը» հրապարակել է քաղաքացիների զբաղվածության տվյալները։
Բացարձակապես չի նշվում, որ միջնադարյան այդ քաղաքն ու եկեղեցին հայկական են։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Մենք չենք կարող կանխորոշել թուրքական իշխանությունների հետագա վարքը, մենք փոխանցում ենք այն տեղեկությունը, որն այս պահին իրենք են տարածել իրենց երկրի թիվ մեկ լրատվամիջոցով։
«Արդյո՞ք վերանայվելու Անիի Մայր տաճարը մզկիթի վերածելու որոշումը՝ հաշվի առնելով կառույցի կրոնական և հատուկ ինքնությունը»։
Թուրքիային «BRICS»-ում տրվել է «գործընկեր երկրի» կարգավիճակ։
«Քուրդիստանի բանվորական կուսակցության» առաջնորդը հանդես է եկել 1999-ից ի վեր առաջին տեսաուղերձով:
Սա միջին հաշվով նշանակում է օրական շուրջ 100, իսկ ժամում՝ 4 երկրաշարժ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |