Խորհրդարանական ընտրություններ Թուրքիայում. հայ թեկնածուները հաղթահարել են անցողիկ շեմը

Քաղաքական19:24, 07 Հունիս 2015

Խորհրդարանական ընտրություններ Թուրքիայում. հայ թեկնածուները հաղթահարել են անցողիկ շեմը

Թուրքիայում այսօր անցկավեցին 25-րդ խորհրդարանական ընտրությունները: Տեղական ժամանակով ժամը 17:00-ին ավարտվեց քվեարկությունը: Ձայների 84 %-հաշվարկված են և նախնական տվյալների համաձայն` տարբեր կուսակցությունների կողմից առաջադրված 4 հայ թեկնածուներից միայն երեքն են հաղթահարել անցողիկ շեմը: Նախնական տվյալների համաձայն` քրդամետ «Ժողովուրդների դեմոկրատական» կուսակցությունը (ԺԴԿ-HDP) ստացել է ձայների շուրջ 12%-ը: Իսկ իշխանական «Արդարություն և զարգացում» կուսակցությունը (ԱԶԿ-AKP) ստացել է ձայների 42 %-ը և այլևս խորհրդարանում միանձնյա առաջատար չէ: Նման բան Թուրքիայում վերջին 12 տարվա մեջ առաջին անգամ է տեղի ունենում:

Հիշեցնենք, որ այս խորհրդարանական ընտրություններին մասնակցում էին 4 հայ թեկնածուներ: «HDP»-ից, որի կազմում հայերը մեծ թիվ են կազմում, առաջադրվել էր 2 հայ թեկնածու` ԺԴԿ կենտրոնական գործադիր խորհրդի անդամ Գարո Փայլանը և Մուրադ Մըհչըն:

Ընդդիմադիր «Ժողովրդահանրապետական կուսակցությունը» (CHP-ԺՀԿ) առաջադրել էր մասնավոր մի ընկերությունում որպես իրավաբան աշխատող՝ ազգությամբ հայ Սելինա Դողանին:

Իսկ Իշխող «Արդարություն և զարգացում» կուսակցությունը Ստամբուլի երկրորդ ընտրաշրջանի համար իր համամասնական ցուցակում 12-րդ տեղը հատկացրել էր լրագրող, գրող, վերլուծաբան Մարգար Եսայանին:

Հեղինակ` Աստղիկ Իգիթյան, Ստամբուլ

Աղբյուր` Ermenihaber.am

Այս ենթաբաժնի վերջին նորությունները

21:53, 25 հուլ

Փարիզում Սիրիա-Իսրայել անվտանգային հանդիպում է սպասվում

Հանդիպման մասին լուրերը տարածվեցին այն բանից հետո, երբ Սիրիան օգնության խնդրանքով պաշտոնապես դիմեց Թուրքիային:

16:20, 25 հուլ

Էրդողանը հանդիպում կունենա Պուտինի և Թրամփի հետ

Թուրքիայի նախագահն ասել է, որ փորձելու են ՌԴ-ի և ԱՄՆ-ի առաջնորդների հանդիպում կազմակերպել Ստամբուլում:

13:33, 25 հուլ

Թուրքիան դատապարտել է Իսրայելին Արևմտյան ափի բռնակցման որոշման համար

Իսրայելի խորհրդարանի կողմից Արևմտյան ափի բռնակցման մասին որոշման դեմ 10 երկիր և մի քանի միջազգային կազմակերպություն համատեղ հայտարարություն են տարածել: