Մշակութային12:23, 29 Մայիս 2015
Մշո Սուրբ Կարապետ վանքի վերականգման համար դիմում է ներկայացվել իշխանություններին
Մշո Յուքարըյոնգալը գյուղում գտնվող Սուրբ Կարապետ հայկական վանքի տարածքն այնտեղ գտնվող տներից ազատելու և վանքի վերանորոգման աշխատանքներն իրականացնելու համար Թուրքիայի մշակույթի և զբոսաշրջության, ինչպես նաև ներքին գործերի նախարարություններին դիմում է ներկայացվել:
Դիմումը ներկայացրած «Սասուն, Բիթլիս, Բաթման, Մուշ, Վան, Ստամբուլ և մյուս բոլոր նահանգների, շրջանների, գյուղերի հայերի և Սասունի շրջանի գյուղերի հայկական սոցիալական փոխօգնություն ու մշակութային համերաշխություն» միության նախագահ Ազիզ Դաղջըն հայտնել է, որ սբ. Կարապետը շատ կարևոր և պատմական վայր է:
Թուրքական «Milliyet» թերթը հայտնում է, որ Դաղջըն նախկինում ևս դիմել էր վանքի վերակառուցման համար, սակայն մշակույթի և զբոսաշրջության նախարարության գրավոր պատասխանից տեղեկացել էր, որ վանքի տարածքում կա 48 տուն և 6 խոտամբար: Դաղջըն նշել է, որ 23.03.2012 թվականին ստացված նամակում (համար 2012-65584) իրենց տեղեկացրել էին, որ 6 ամսվա ընթացքում տարածքը կազատեն: «Բայց 2012-ից մինչև 2015թ. եկեղեցին և նրա տարածքը չեն ազատվել»,- ասել է միության նախագահը:
Վերջինը նաև հիշեցրել է, որ թուքական պետությունը Լոզանի պայմանագրի 42/3 կետով պարտավորվել է պահպանության տակ առնել փոքրամասնությունների եկեղեցիները, սինագոգները, գերեզմանները և այլ կրոնական հաստատությունները:
Դաղջըն նշել է պահպանության կարիք ունեցող և մշակութային ժառանգություն հանդիսացող վայրերում կառուցապատում իրականացնող անհատներին պատասխանատվության ենթարկելու անհրաժեշտության մասին՝ հիշեցնելով, որ օրենսդրության համաձայն, պատմամշակութային կառույցներին դիտավորյալ կերպով վնաս հասցնողներին, ապօրինի կառուցապատում իրականացնողներին սպառնում է 2-5 տարվա ազատազրկում:
Դաղջըն մշակույթի ու զբոսաշրջության և ներքին գործերի նախարարություններից դրական պատասխան է ակնկալում Նա հայտնել է, որ պատասխանը ստանալուն պես կսկսեն տարածքի մաքրման և վերականգման աշխատանքները:
Այս ենթաբաժնի վերջին նորությունները
Պոլսո հայոց պատրիարք Սահակ արքեպիսկոպոս Մաշալյանը նախագահել է Բալըքլըի գերեզմանատան Ս. Սարգիս մատուռի հրապարակում տեղադրված 84-րդ պատրիարքի կիսանդրիի բացումը:
Ներկայացումն առաջին անգամ ֆրանսերենով և թուրքերենով բեմադրվել է 2020-ին կազմակերպված «Ստամբուլի մշակութային և արվեստի հիմնադրամի» թատրոնի փառատոնի շրջանակներում:
Նա խաղացել է «Բարեպաշտություն», «Անհաջողակը», «Փրկություն» և մի շարք այլ ֆիլմերում։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Տեղեկությունը հայտնում է բրիտանական «Reuters» լրատվական գործակալությունը։
Թուրքիայում իշխող կուսակցության հետ դաշինքի մեջ գտնվող MHP-ի առաջնորդն անդրադարձել է վերջերս Իրանի և Իսրայելի միջև ծագած լարվածությանը:
Ընդդիմադիր շրջանակներում պտտվում են լուրեր, որոնց համաձայն՝ ԱԶԿ-ի ներսում լարված մթնոլորտ է տիրում:
Թուրքիայի նախագահն ընդգծել է, որ մարտի 31-ի ընտրությունները փաստել են բոլոր ընտրություններից առաջ շրջանառվող «վերջին ընտրություն» քարոզչության անհեթեթ լինելու իրողությունը:
Թուրքիայի նախագահ. «Մեր դռները բաց են ԺՀԿ-ի հարգարժան նախագահ Օզելի առաջ: Մենք շատ քննարկելու հարցեր և թեմաներ ունենք: Երբ նրանք այցելեն՝ կնստենք, կխոսենք»:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |