Քաղաքական09:27, 29 Մայիս 2015
Մարգար Եսայան. «Թուրքիայում վերջ է դրվել 1915-ի ժխտմանը»
Թուրքիայի իշխող «Արդարություն և զարգացում» կուսակցության (ԱԶԿ – AKP) կողմից որպես պատգամավորի թեկնածու առաջադրված հայազգի Մարգար Եսայանը հայտարարել է, որ Թուրքիայի հայ համայնքի ամենահիմնական խնդիրը ներքին կազմակերպվածությունն է:
Ստամբուլում լույս տեսնող հայկական «Ակոս» թերթի հետ հարցազրույցի ժամանակ Եսայանն անդրադարձել է Թուրքիայի տարբեր օրակարգային խնդիրներին, այդ թվում նաև՝ Թուրքիայի հայ համայնքին և Հայոց ցեղասպանության 100-րդ տարելիցին:
ԱԶԿ-ի հայ թեկնածուն նշել է, որ նախկինում գոյություն ուներ 1863թ. հայկական կանոնադրությունը, (Օսմանյան կայսրությունում – խմբ.) , որի հիման վրա ստեղծվել էր հայկական մեջլիս, և այդ օրգանը բավական ժողովրդավարական էր ու կազմակերպում էր հայկական համայնքի կյանքը: Սակայն Թուրքիայի միակուսակցական շրջանում այդ մեջլիսը լուծարվեց և հայերը զրկվեցին իրենց խնդիրները կարգավորող ու կարևոր որոշումներ կայացնող իրավական մարմնից:
Եսայանը հույս է հայտնել, որ ներկայիս Թուրքիայում հնարավոր կլինի վերստեղծել նման քաղաքացիական խորհուրդ:
«Հուսով եմ, որ պատրիարքարանի իրավական կարգավիճակ ստանալու, ինչպես նաև ժողովրդավարական ընտրությունների միջոցով հիմնադրամների՝ նոր տերերի ընտրության շնորհիվ և ամենակարևորը, հայկական համայնքի քաղաքականության որոշիչը հանդիսացող պատրիարքարանի հետ միասին հնարավոր կլինի համատեղ աշխատող քաղաքացիական խորհուրդ ստեղծել»:
Անդրադառնալով Հայոց ցեղասպանության ճանաչման խնդրին՝ ԱԶԿ պատգամավորի թեկնածուն նշել է, որ Թուրքիայում այս առումով բավական դրական իրավիճակ է ստեղծվել: Նա հիշեցրել է վերջին երկու տարում հրապարակված պաշտոնական ցավակցական ուղերձները՝ նկատելով, որ վարչապետի և նախագահի մակարդակով ժխտումը Թուրքիայում արդեն վերացել է: Նաև վերացվել է ցեղասպանության թեմայի քննարկման տաբուն՝ և հոգեբանական , և իրավաբանական առումով:
«Պետությունը լրջորեն փոխել է իր մոտեցումը 1915թ. դեպքերի վերաբերյալ և դա նշանակում է, որ ժխտմանն արդեն վերջ է տրվել: Վերջին 13 տարիների ընթացքում պետությունը հրաժարվել է հայերին՝ որպես թշնամի և օտար ներկայացնելու գործընթացից»:
Մարգար Եսայանը նաև կարծիք է հայտնել, որ եթե ԱԶԿ-ն ևս 10-15 տարի մնա իշխանության ղեկին, ապա 5-10 տարի հետո Հայկական հարցը Թուրքիայում այլևս կդադարի գոյություն ունենալուց:
Այս ենթաբաժնի վերջին նորությունները
«Դուք Իսրայելի վարչապետին մեղադրում եք նացիստական գործելաոճի մեջ, սակայն մյուս կողմից էլ շարունակում եք Իսրայելի հետ ինտենսիվ առևտրատնտեսական հարաբերոթյունները»։
Թուրքիայի Արտաքին գործերի նախարարությունն իր պաշտոնական կայքում Հայոց ցեղասպանության առնչությամբ միջազգային արձագանքները դատապարտող հայտարարություն է հրապարակել։
«Թուրքիայի պատվիրակությունը գլխավորել է Թուրքիայի փոխարտգործնախարար Բուրաք Աքչափարը։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Չի կարող պատահել, որ ազգի մեծամասնությունը կոտորվի, հայրենիքի մեծամասությունը հափշտակվի, բայց փրկված բեկորների մեջ մաղձ ու դառնություն կամ ատելություն ու վրեժ չառաջանա:
Ermenihaber.am-ին հատուկ հարցազրույց է տվել թուրք գրող, պատմաբան, Հայոց ցեղասպանության վերաբերյալ ուսումնասիրություններ իրականացնող Նեսիմ Օվադյա Իզրաիլը։
Ռեջեփ Թայիփ Էրդողանը հանդես է եկել արդեն ավանդական դարձած ապրիլքսանչորսյան ուղերձով։
«Մենք ստիպված ենք առերեսվել պատմության հետ և հաշվի նստել այս մարդասպան մտածելակերպի հետ»,-DEM կուսակցություն։
Ermenihaber.am-ը Հայոց ցեղասպանության 109-րդ տարելիցին ընդառաջ հատուկ հարցազրույց է պատրաստել քաղաքական հայացնքերի պատճառով թուրքիան լքած Դողան Օզգյուդենի հետ:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |