Հասարակական07:50, 25 Մայիս 2015
Ստամբուլի հայկական որբանոցի ճամբարը խոստացել են վերադարձնել հայկական բողոքական եկեղեցու ֆոնդին
Ստամբուլի հայկական մանկատան «Քամփ Արմեն» անունով հայտնի ամառային ճամբարի շենքը, որը հայտնվել էր ապամոնտաժման վտանգի տակ, արդեն փրկված է: Թուրքիայի հայկական «Ակոս» թերթի վկայությամբ՝ շինության ներկայիս սեփականատերը հայտարարել է, որ պատրաստվում է մանկատունը նվիրաբերել Գեդիքփաշայի հայկական բողոքական եկեղեցու հիմնադրամին:
Մանկատան ապամոնտաժման դեմ ակտիվորեն պայքարող Թուրքիայի «Düşünce Platformu» («Գաղափարական հարթակ») միության ներկայացուցիչ Հարութ Օզերը թեմայի շուրջ մեկնաբանություններ է արել թուրքական «Özgür Radyo»-ի «Ռադիո Ակոս» ծրագրի եթերում:
Նա նշել է, որ Արմեն ճամբարի՝ հայկական կողմին վերադարձի համար հանդիպումներ են ունեցել Ստամբուլի Թուզլայի շրջանի ղեկավար Շադի Յազըջըն, Թուրքիայի իշխող «Արդարություն և զարգացում» կուսակցության (ԱԶԿ - AKP) պատգամավորի թեկնածու հայազգի Մարգար Եսայանը, հիմնադրամի փաստաբան Սեբու Ասլանգիլը և «Düşünce Platformu»- ի ներկայացուցիչները:
«Հանդիպումների արդյունքում պայմանավորվածություն է ձեռք բերվել անշարժ գույքի սեփականատիրոջ կողմից սեփականության իրավունքի նվիրաբերման շուրջ: Ակնկալում ենք, որ առաջիկա շաբաթվա ընթացքում սեփականության փաստաթղթերը կհանձնվեն» , - ասել է Հարութ Օզերը:
Իսկ Արմեն ճամբարի շինության ներկայիս սեփականատեր Ֆաթիհ Ուլուսոյը գրավոր հայտարարություն է տարածել, որտեղ մասնավորապես ասվում է. «Խնդրի լուծման վերաբերյալ վարչապետ Ահմեթ Դավութօղլուի խնդրանքն ու հանձնարարությունը, Ստամբուլի քաղաքապետ Քադիր Թոփբաշին, ԱԶԿ-ի Ստամբուլի տարածքային ղեկավար Սելիմ Թեմուրջին և Թուզլայի տարածքային ղեկավար Շադի Յազըջըն ինձ համոզեցին: Մեր օրերում, երբ ամեն կերպ փորձ է արվում հրահրելու մեր հասարակության դյուրազգացությունը՝ կապված 1915թ. դեպքերի հետ, մեր հայ քաղաքացիների մտքի և զգացմունքների խաղաղության, մեր երկրի սոցիալական համերաշխության մեջ ներդրում ունենալու նպատակով՝ ամենայն հարգանքով հայտարարում են մեր հանրությանը, որ խնդրո առարկա տարածքը նվիրաբերելու եմ Գեդիքփաշայի հայկական բողոքական եկեղեցու հիմնադրամին»:
Հիշեցնենք, որ «Քամփ Արմեն» հայկական ճամբարը Ստամբուլի Թուզլա շրջանում գտնվող, երեկ լքված, այսօր արդեն կիսաքանդ մի շինություն է: Ներկայումս ավերակի վերածված շինությունը ժամանակին եղել է չքավոր ու որբ հայ երեխաների ամառային ճամբարը: 8.552 քմ տարածք ունեցող «ՔամփԱրմենը» 1961 թվականին գնվել է Հայ բողոքական եկեղեցու հիմնադրամի կողմից և ծառայել է որպես ամառային ճամբար` Գեդիկփաշայի հայկական դպրոցի չքավոր ու որբ սաների համար: Հայտնի է, որ այստեղ են մեծացել նաև 2007թ. Թուրքիայում սպանված հայտնի հայ լրագրող Հրանտ Դինքը և նրա կին Ռաքել Դինքը:
2015 մայիսի 6-ի առավոտյան ճամբարի ներկայիս սեփականատիրոջ նախաձեռնությամբ սկսվել էր ճամբար-մանկատան ապամոնտաժումը, սակայն կարճ ժամանակ անց Թուրքիայի հայկական համայնքի սկսած բողոքի լայնածավալ միջոցառումների շնորհիվ շինության ապամոնտաժումը ժամանակավորապես դադարեցվել էր:
Այս ենթաբաժնի վերջին նորությունները
Եթե դիտարկենք երկրի ընդհանուր բնակչության թիվը, ապա 2018թ. ծերերը կազմում էին քաղաքացիների 8.8%-ը, իսկ 2023-ին՝ արդեն 10.2%-ը։
Թուրքիայի Սինոպ քաղաքը համարվում է տարեց բնակչության ամենաբարձր ցուցանիշ ունեցող քաղաքը, իսկ ամենացածր ցուցանիշ ունեցող քաղաքը համարվում է Շըրնաքը։
Գյոլբաշ գյուղում առատ ձյան տեղումների և բքի հետևանքով բնակիչների տներն անցել են ձյան տակ։
Ուղիղ խոսք
Ոմանց ձեռքին միջուկային մարտագլխիկներով հրթիռներ կան, իսկ իմ ձեռքում ինչո՞ւ չպետք է լինեն: Ես դա չեմ ընդունում
ամենաշատ ընթերցված
Տարբեր ինտերնետային կայքերում հրապարակված տեղեկությունների համաձայն՝ 2024-ի հունվարին Թուրքիան Իսրայել է արտահանել բարութ, պայթուցիկ նյութեր և զենք:
Տանկը հագեցած է 5-րդ մակարդակի բալիստիկ պաշտպանությամբ, ունի լազերային նախազգուշացման և հակաականային պաշտպանության համակարգեր։
Թուրքիայում գլխավոր ընդդիմադիր ուժ համարվող ԺՀԿ-ական Ստամբուլի քաղաքապետը կոչ է արել քարոզարշավի փոխարեն իրականացնել իրենց պարտականությունները:
Որոշ լրատվական կայքեր գրում էին, որ Թուրքիան համագործակցում է իսրայելի հետ ռազմական ոլորտում:
Վերլուծաբանները նշում են, որ Թուրքիան կախված է ՌԴ-ից բնական գազի, նավթի, ածխի և նավթաքիմիական այլ ապրանքների ձեռք բերման հարցում և լավ գաղափար չէ նույնը անել նաև միջուկային էներգիայի համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
EUR | TRY | USD |
549.84 | 90.05 | 485.12 |