Իրաքյան Քուրդիստանի խորհրդարանում Հայոց ցեղասպանության ճանաչման նախագիծ է ներկայացվել

Տարածաշրջան09:40, 29 Ապրիլ 2015

Իրաքյան Քուրդիստանի խորհրդարանում Հայոց ցեղասպանության ճանաչման նախագիծ է ներկայացվել

Իրաքյան Քուրդիստանի խորհրդարանում ազգությամբ հայ պատգամավոր Երվանդ Նիսանը Հայոց ցեղասպանության ճանաչման համար օրենքի նախագիծ է ներկայացրել: Ինչպես տեղեկացնում է թուրքական «Haberdiyarbakir» լրատվական կայքը, հայ պատգամավորի առաջարկի տակ ստորագրել է շուրջ 40 պատգամվոր: Խորհրդարան ներկայացված նախագիծն առաջարկում է ճանաչել Հայոց ցեղասպանությունը և ապրիլի 24-ը պաշտոնապես հիշատակի օր հռչակել:

Նշվում է, որ «Քուրդիստանի հայրենասերների միությունը» աջակցել է հայ պատգամավորի նախաձեռնությանը, որին միացել են նաև պատգամավորներ «Քուրդիստանի ժողովրդավարական» կուսակցությունից:

Թուրքիայի հարցերի մասնագետ Բեյար Մուստաֆան ասել է, որ նմանատիպ բանաձևի ընդունումը, անգամ դրա քննարկումը մեծ վնաս կհասցնի Էրբիլ-Անկարա հարաբերությունների վրա:

«Քուրդիստանի ժողովրդավարական» կուսակցություն Մուհամմեդ Ամիր Դերշևին ընդգծել է, որ բոլորը գիտեն Հայոց ցեղասպանության մասին: «Ժամանակին Բարզանիները և այլ աշիրեթներ Թուրքիայում հայերի սպանությունների մասին խոսել են: Սակայն այս շրջանում Քուրդիստանի շրջանում այսպիսի քայլ անելը հեշտ չէ: Քուրդիստանի խորհրդարանը պետք է նախաձեռնությունն իր վրա վերցնի»,- ասել է պատգամավորը:

Աղբյուր` Ermenihaber.am

Այս ենթաբաժնի վերջին նորությունները

11:06, 15 սեպ

Հենց ՀՀ-ի և Ադրբեջանի միջև վերջնական համաձայնագիրը ստորագրվի, մենք կկարգավորենք հարաբերությունները ՀՀ-ի հետ

Թուրքիայի արտգործնախարարն անդրադարձել է Հայաստանի ու Ադրբեջանի միջև կնքվելիք համաձայնագրի ժամկետներին։

12:53, 12 սեպ

Ֆիդան․ Կատարի դեմ հարձակումը պետք է սթափեցնի Նեթանյահուին հանդուրժողներին

Թուրքիայի արտաքին գործերի նախարարը Հռոմում իտալացի գործընկերոջ հետ կայացած համատեղ մամուլի ասուլիսում անդրադարձել է Իսրայելի կողմից Կատարի վրա ռմբակոծությանը: